Пользователи : 2
Статьи : 609
Просмотры материалов : 440711

Подписка













Дзяржаўная ўстанова адукацыі “Пярэжырская сярэдняя школа імя А.Е. Гурыновіча”
05.12.2016 05:08

Гісторыя школы

9 снежня   2016 года дзяржаўная ўстанова адукацыі “Пярэжырская сярэдняя школа імя А.Е. Гурыновіча”  будзе святкаваць  150-гадовы юбілей.

Сваю гісторыю ўстанова пачынае з 1866 года, калі ў  вёсцы было адкрыта Пярэжырскае народнае вучылішча. Спачатку там вучылася  66 дзяцей: 63 хлопчыкі і 3 дзяўчынкі.  Першым настаўнікам  быў святар А.І. Канстанціновіч,  які  закончыў курс Мінскай духоўнай семінарыі. Да 1904 года ў вучылішчы было толькі 3 класы і працаваў з вучнямі адзін настаўнік.  Пасля адкрыцця    4-га і 5-га аддзяленняў   школа была перайменавана ў  сельскае вучылішча, адразу ж было прынята рашэнне аб будаўніцтве новага памяшкання  для школы.

 

Решение об открытии

У 1906 годзе  быў пабудаваны новы будынак. Тут размясціліся тры класныя пакоі і кватэра для настаўніка. Паступова колькасць вучняў павялічылася. У дваццатых гадах у школе ўжо налічвалася  170 вучняў. У 1924 годзе пачалі стварацца піянерскія атрады. Першым піянерскім важатым быў Скрыпко Герасім Іванавіч.

У 1930 годзе выйшла пастанова Урада аб усеагульнай сямігадовай адукацыі, таму сельскае вучылішча было перайменавана ў сямігадовую школу.

 

Здание 1930 г

У 1932 годзе ў Пярэжырскай школе адбыўся першы выпуск вучняў 7 класа, 28 вучняў атрымалі пасведчанне аб заканчэнні сямігодкі. Дырэктарам у той час працавала Васіліса Васільеўна Гурыновіч. 

Шмат намаганняў  Васіліса Васільеўна прылажыла для таго, каб прыцягнуць  калгасную молодзь да вучобы.  За сваю працу Васіліса Васільеўна  атрымала  званне – заслужаны настаўнік БССР, узнагароджана ардэнамі Леніна  і Чырвонага сцяга.

 

Гуринович Васелиса Васильевна

 

 

У 1935 годзе ў школе працаваў  настаўнікам беларускай мовы і літаратуры М.П. Лобан, які ў далейшым стаў знакамітым беларускім пісьменнікам, вучоным.

Першыя вучні школы сталі вучонымі, настаўнікамі, урачамі і проста добрымі і працавітымі людзьмі. У цяжкія для Радзімы гадзіны яны сталі на яе абарону.  У баях з нямецка-фашысцкімі захопнікамі  загінулі:  Іван Лук'янчык, Уладзімір Івановіч, Ісак Крук, Іван Пінязік, Андрэй Крывашчокі і многія другія.

Школа ганарыцца сваім выпускніком Андрэем Філіпавічам Луцэвічам, які ў дастоены высокага звання Героя Савецкага Саюза.

У  1948 годзе Пярэжырская сямігадовая школа  была пераўтворана  ў сярэднюю школу.

У 1959 годзе дырэктарам у школу прыйшоў працаваць Аляксандр Рыгоравіч Песенька – малады, энэргічны, высокаадукаваны чалавек.  

 

Песенько Александр Григорьевич

 

У 1969 годзе школа перабралася ў новы трохпавярховы будынак  з   25-цю добра абарудаванымі кабінетамі, майстэрняй, сталовай, актавай залай, бібліятэкай.

 

Здание школы 1969

 

 

Асобай старонкай у гісторыі школы вызначаюцца гады, калі Рэспубліканскі інстытут педагогікі праводзіў на базе школы свае эксперыменты. Чатыры гады над тэмай па эфектыўнасці выкладання беларускай мовы ў школе працаваў навуковы супрацоўнік інстытута педагогікі В.В. Протчанка.  Разам з ім настаўнікі беларускай мовы правялі многа адкрытых урокаў для настаўнікаў раена і вобласці.

Таксама на базе школы праходзіла апрабацыя праграм па матэматыцы, падручнікаў. Настаўнік пачатковых класаў Р.М. Прыгоцкая апрабіравала «Буквар» А. Клышкі.

 

 

Пригодская Раиса Николаевна

 

 

 

       Настаўнік беларускай мовы  В.І. Залатарэвіч на працягу двух гадоў апрабіравала падручнік «Беларуская літаратура» для IX-XI класаў.

 

Золоторевич Ольга Иосифовна

 

 

Пед коллектив Пережирская СШ 80 ых

 

 

Пад кіраўніцтвам АР. Песенькіў 1983 годзе быў створаны школьны гісторыка-краязнаўчы музей, кіраўніком якога стала настаўнік гісторыі Івановіч Алена Аляксандраўна.

 

Иванович Елена Александровна

 

 

У 2000 годзе па ініцыятыве Іосіфа Васільевіча Кучко, на той момант дырэктара школы, Пярэжырскай сярэдняй школе было прысвоена імя былога міністра замежных спраў БССР Анатоля Емяльянавіча Гурыновіча.

 

Кучко Иосиф Васильевич

 

 

За 150 год  існавання    школа дала пуцёўку ў жыццё тысячам вучняў, якія паспяхова працавалі і працуюць сёння  ў розных галінах грамадскага жыцця: вучоным і настаўнікам, аграномам і ўрачам, пісьменнікам і публіцыстам, грамадскім і культурным дзеячам. Сярод іх:

-  А.ЕГурыновіч - былы міністр замежных спраў БССР;

 

Гуринович Анатолий Емельянович

 

 

- Ф.А. Кукарэка - дыпламат, намеснік начальніка аддзела Міністэрства замежных спраў СССР;

-  А.С. Крук - прарэктар Мінскага медыцынскага інстытута;

-  В.І. Савіч - доктар медыцынскіх навук, загадчык кафедры судовай экспертызы;

-  А.В. Ахрамовіч - дацэнт, кандыдат эканамічных навук;

 

Ахрамович Александр Васильевич

 

 

-  Н.Я. Баркун - Герой Сацыялістычнай працы;

-  Т.І. Ліннік - заслужаны юрыст Рэспублікі Беларусь;

 

Линник Таиса Николаевна

 

 

-  А.Л. Каленік - генерал-маёр юстыцыі.

Сёння  педагагічны калектыў ўстановы працуе над укараненнем  у практыку работы новых педагагічных тэхналогій, удасканаленнем якасці адукацыі. Вучні  школы  -  актыўныя ўдзельнікі і пераможцы шматлікіх спартыўных, творчых і інтэлектуальных спаборніцтваў.

У час святкавання  150-гадовага  юбілею  ў школе  будзе  адкрыты  музей А.Е. Гурыновіча,  адбудзецца  мітынг ля яго магілы, экскурсія  па школе. Для гасцей  рыхтуецца святочная юбілейная праграма.  Тут будуць гучаць словы віншавання і падзякі  ад былых выпускнікоў, грамадскасці.

Пажадаем дружнаму калектыву настаўнікаў, вучняў і бацькоў Пярэжырскай сярэдняй школы  імя А.Е. Гурыновіча  творчых поспехаў і натхнення, цікавых спраў і новых ідэй, шчасця і здароўя.